Morreu Agustín
Fernández Paz, un dos grandes escritores galegos do século XX. Deixounos no día
de hoxe, ás 7.00h da mañá, na súa casa de Vigo. O seu talento brillou de
maneira singular en títulos da colección Fóra de xogo de Edicións Xerais de
Galicia que durante anos foron conformando o hábito lector de milleiros de
escolares galegos. Home bo, amosou como creador e intelectual galeguista o seu
compromiso coa causa da lingua de noso, converténdose en exemplo firme de valentía
e coherencia. A sociolingüística, a didáctica, o universo da banda deseñada,
Lovecraft e os clásicos do xénero de terror son algúns outros campos nos que Agustín era
unha voz recoñecida e respectada. Tratábase, ademais, dunha persoa querida, un
cariño que se fixo público na homenaxe que o mundo da cultura galega lle
dispensou en Vigo no ano 2012. Que a terra che sexa leve, Agustín.
