O sitio web Hoja de router informa dunha curiosa iniciativa. Un grupo de profesionais de biblioteca responden preguntas dos cidadáns. Igual ca "googlear", pero con máis criterio e garantías. De feito, a xente acode a elas
cando xa esgotaron a vía de "preguntar" a Google e outras dese estilo. Este equipo de bibiotecarias de referencia responde cuestións de
todo tipo, con rigor e relativamente rápido. Pódenselle enviar as preguntas por correo electrónico ao
seu web (Pregunte: as bibliotecas responden) e tamén atenden vía chat. Parécenos
tan boa a proposta que pasamos a incorporala á nosa barra de webs preferidos, para que quede á man.
Prosit!
jueves, 17 de noviembre de 2016
sábado, 12 de noviembre de 2016
Biblioteca de outono
O verán de outono xa vai alá. A entrada da biblioteca do edificio Abrente loce estes días unha decoración de outono. Debémoslla outravolta ao ánimo inquieto e incansable de Raquel, que preparou esas castañas e eses lumes que anticipan os magostos que encherán os montes de xente nova (e non tan nova) esta fin de semana de novembro.
Biblioteca castañeira |
Samaín 2016 (II)
Na sala de biblioteca do edificio O Ribeiro instalamos as cabazas que tallaron os rapaces e as rapazas de 2º de ESO. A mostra puido visitarse nos recreos do mércores 26, xoves 27 e venres 28. As tebras amolaban a lectura do xornal, as partidas de xadrez e o estudo, que houbo que trasladar neses días a outros espazos, pero o resultado foi ben lindo. Velaquí vos deixamos unha selección de fotos, un a xeito de "Álbum de familia" das cabazas expostas.
Samaín 2016
A sala de biblioteca do edificio Abrente está en pleno expurgo, pero iso non impediu que tamén a ela chegase o Samaín. A decoración ocupou o vestíbulo de acceso á sala dos libros, e houbo cabazas de cartolina, cabazas iluminadas (deseñadas sobre lámpadas de papel) e tamén unha pequena mostra de libros relacionados coa data. Finalmente, non puidemos instalar, como estaba previsto, cabazas talladas polo alumnado, pero para o ano que vén seguro que atopamos xente con ganas de participar e si podemos. A decoración correu a cargo da compañeira Patricia, que este curso escolar, en colaboración con Raquel, está defendendo a trincheira bibliotecaria do edificio de arriba.
Exterior da conserxería |
Entrada á biblioteca |
Detalle das cabazas-lanterna |
Os libros do Samaín |
Máis cabazas |
Suscribirse a:
Entradas (Atom)