Territorio das Artes

Velaí o lema da Consellería para este curso escolar 2016-2017. A proposta é ousada pero atraente. Na súa formulación oficial, convídasenos a “explorar fórmulas para espertar nos lectores e nas lectoras o interese por achegarse e apreciar os produtos artísticos, pero sobre todo  a experimentar o pracer de expresarse a través da música, a pintura, a arquitectura, a danza, o teatro, a literatura, a escultura, as artes visuais (cine, cómic, fotografía, videocreacións, videoxogos).” Como plano non está mal, ben seguro que non: collamos camiño cara a ese novo e prometedor Territorio e vexamos que nos atopamos!