Os traballos con motivo do Día da Paz adoptaron este
curso escolar a forma de elaboracións artísticas de gran formato e conseguida
plasticidade. Sobre unha base de papel craft
pegáronse unha serie de fotos ilustrativas de diferentes problemas domésticos
aos que se teñen que enfrontar a diario os menores que habitan en zonas de
guerra e, en xeral, en calquera país pobre do hemisferio Sur. A intervención
consistía en que os rapaces e as rapazas tiñan logo que matinar como completar
a composición orixinal, engadindo aqueles elementos que botaban a faltar no
escenario que en cada caso servía de base. Aspectos que non se discuten en
calquera país desenvolvido do noso próspero Norte, como auga potable saíndo
dunha billa, a compañía humana doutros semellantes, os obxectos que enchen un
espazo escolar (libros, cadernos, lapis, bolígrafos, pupitres...) serviron de
vehículo para os alumnos e as alumnas reflexionaren sobre o contraste entre a
realidade que habitan e aqueloutra ben distinta na que se ven obrigados a
desenvolverse outros mozos e mozas coma eles noutras partes do mundo.
Vista xeral da montaxe
O Sur tamén existe
Xogar ou traballar
A auga, un problema
No hay comentarios:
Publicar un comentario