O noso segundo desprazamento ao
Liceo de Ourense foi para asistir a un programa dobre. Na primeira parte da
sesión, unha tertulia sobre A derradeira novela de Emma Olsen, de Berta
Dávila (Ed. Galaxia). A conversa colleunos máis expertas e gozamos aínda máis
que a outra vez do debate literario coas compañeiras doutros centros e non só
porque a organización nos agasallou con amorodos. A continuación, subimos ao
salón nobre da institución para o coloquio coa autora. Berta Dávila estivo
próxima, amena e ben divertida e o certo é que o pasamos ben. Ao final,
formouse unha longa ringleira para conseguir que nos asinase os libros, pero
despois dunha espera que se fixo curta, conseguimos as nosas dedicatorias.
Puñamos o ramo desta maneira á nosa primeira participación nas Tertulias
Literarias do Liceo de Ourense, unha iniciativa do Concello de Ourense na que
tamén participa a Deputación Provincial que resultou unha experiencia ben
interesante para nós.
Cartel da segunda xornada |
No hay comentarios:
Publicar un comentario