Despois da primeira experiencia na
MITEU do ano pasado, o equipo de biblioteca arriscouse este ano e dobrou a
aposta: desprazámonos a Ourense a ver dúas funcións de teatro no canto de
só unha. A primeira, en sesión de tarde, foi o mércores 20 de abril. O grupo
Teatro del Dónde (O Salvador) puxo en escena De polvo y agua, un drama
sobre as persoas que, en América do Sur, abandonan o seu país na procura dun
porvir no Norte rico. A posta en escena era sobria. Con poucos medios, as dúas
actrices ían desdobrándose en distintos personaxes e conseguían transmitir toda
a desolada desesperación destes emigrantes forzados e das súas familias, un
tema que lamentablemente temos ás portas de Europa hoxe mesmo cos desprazados
de Siria. O segundo desprazamento, o mércores 27 de abril, e xa en horario
nocturno (ás 23.00h!), foi para ver Yllana. O espectáculo Chefs revisou
en clave de comedia o ambiente que rodea o mundo dos restaurantes de luxo. Os
rapaces quedaron encantados coa proposta de Yllana, que algúns xa coñecían da
representación á que asistimos o curso pasado (Gagfather) e o trastorno
de regresar tarde á casa e acudirmos ao día seguinte ao instituto mortiños de
sono pagou a pena.
Cartel anunciador da MITEU 2016 |
No hay comentarios:
Publicar un comentario