Este curso, a conmemoración do Día das Bibliotecas (24 de outubro) formulouse
como unha Homenaxe á banda deseñada. A idea articulouse mediante paneis que
recollían varias páxinas de obras representativas do xénero, e o corredor anexo
á biblioteca encheuse de carteis e páxinas de cómic. A escolma incluíu desde
mostras de clásicos como o francés Astérix e o belga Tintín, os célebres álbums
hispánicos de Roberto Alcázar e Pedrín e as Hazañas
bélicas da casa editorial Toray, os estadounidenses Spiderman, Avengers
Academy e Star Wars e a arxentina Mafalda. Pero tamén tiveron espazo versións
en banda deseñada de clásicos literarios como O principiño de
Saint-Exupéry, O estraño caso do doutor
Jekyll e Mr. Hyde de R. L. Stevenson e de series de televisión como The Walking Dead, así como obras menos
previsibles, entre as que destacamos Economix
de Michael Goodwin. E aínda quedou espazo para indiscutibles clásicos modernos
da novela gráfica como Maus de Art
Spiegelman. Pero a lista non remata aquí. A española Moderna de Pueblo (Los capullos no regalan flores)
compartiu espazo expositivo con rarezas como un cómic en francés coa historia
da cidade gala de Vannes ou títulos como Yo,
el lobo y las galletas (de chocolate) de Delphine Perret e Los zombis que se comieron el mundo de
Frissen e Davis (Norma editorial).
Cartel da exposición
Panorámica do vestíbulo |
Spiderman, lector atento |
No hay comentarios:
Publicar un comentario