O xoves 7 de abril, asistimos, entre nerviosas e
ilusionadas, á primeira sesión do programa de Tertulias literarias do Liceo de
Ourense. A novela que nos congregaba era a da convocatoria de castelán (cada
ano lese unha novela en castelán e outra en galego), neste caso a tradución de La
ley del menor, de Ian McEwan. Chegamos un pouquiño antes e aproveitamos a
visita para coñecer algúns recantos do maxestoso edificio que alberga o Liceo,
e durante algúns instantes sentímonos no século XIX (ou para alá máis atrás). O
debate sobre a novela, con compañeiros lectores e compañeiras lectoras de
varios institutos da provincia, tivo momentos de interese, aínda que tamén
nalgunha ocasión, ao sermos moitas, o intercambio resultou unha miga difícil.
Con todo, o balance do paquete completo (lectura+visita ao Liceo+tertulia
literaria) resultou ben, positivo. Volveremos, ben seguro que si (para o mes de
maio, se temos que ser exactas).
 |
| Foto de grupo no Liceo de Ourense |
No hay comentarios:
Publicar un comentario