O blog que hoxe inicia a súa
andaina é unha dorna que botamos ao mar cibernético para continuar a viaxe que
outros e outras iniciaron hai anos na biblioteca do noso centro. O nome do novo
espazo (ONOVOTOBO = o novo tobo) escolleuse como explícito recoñecemento a
aquel inicial O tobo do Ribeiriño. Queremos dedicar tamén unhas palabras nesta
primeira entrada a Trafegando ronseis, o espléndido blog de Gracia Santorum,
antiga profesora no noso centro e colaboradora nesta Biblioteca do IES O
Ribeiro, pois a súa bitácora mostra día a día, entrada a entrada, as
posibilidades que ofrece este soporte dixital á hora de dar cobertura e
acompañar o labor cotián dos equipos de biblioteca. Finalmente, queremos
agradecer a J. M. Fernández a súa xenerosa asesoría informática, pois sen el esta
estrea non sería posible. NOTA: Esta primeira serie de entradas é unha escolma
dos diferentes traballos nos que este equipo de biblioteca participou ao longo
do curso 2015-2016. A data de todas elas é “xuño de 2016” porque foi neste mes
cando se subiron, logo dun ano almacenando información e buscando axuda técnica
para a botadura deste ONOVOTOBO.
No hay comentarios:
Publicar un comentario