Unha das novidades no plano de actividades en homenaxe
ao autor celebrado o 17 de maio foi a elaboración de ilustracións de poemas de
Manuel María, unha actividade coordinada polo Equipo de Biblioteca e o
Departamento de Plástica. A combinación de poesía e expresión plástica
deixounos algúns traballos de moita calidade, que adornaron as paredes do
centro nos días previos á celebración.
|
Cartel de Á. Conde (1º bach) |
|
Cartel L. Conde (1º bach)
Esta exposición dos alumnos e das alumnas de 1º de
bacharelato combinouse coa versión pop-art dunha foto do homenaxeado das
letras, unha iniciativa que xa leva moitos anos en marcha e que sempre nos
deixa obras de moi alta cualidade artística. Esta é a recreación deste ano sobre
unha foto clásica do autor:
| |
|
Manuel María |
O espectáculo final do Día das Letras deste ano
combinou actuacións musicais con recitado de poemas e o público asistente puido
ver e escoitar varios números montados arredor da figura de Manuel María, o
persoeiro sinalado para o Día das Letras Galegas de 2016. Christian Sotelo e
Manuel González, de 2º de ESO , abriron lume cun rap sobre o
homenaxeado. A seguir, proxectouse un resumo do «Telexornal Manuel María»
realizado polos alumnos do CPI de Dices-Rois. Seguiron os recitados das alumnas
de 1º de ESO A Ana Milena («O Carballo») e Anezka Piños («Limoeira»). Carla
Diéguez e Cecilia Prieto, de 1º de bacharelato, cantaron moi ben unha versión
do poema «Terra Chá». Despois foi a quenda dos recitados dos alumnos de 1º de
ESO B Lorena Miguélez («O salgueiro») e Ángel González («O ciprés»). Jorge
Pardellas de 1º de bacharelato, cantou (el só!) a versión do poema «A fala» de
Roi Casal. O alumnado de 2º da ESO A e B leu os seus poemas a continuación:
Gabriela Vázquez recitou «A vaca», Verónica Francisco «O gato», Álex Alonso «A
rosa», Estefanía Villamarín «O toxo» e Pablo Araújo «Naceu unha flor no meu
corazón». Alba González, que actuou como flamante estrela convidada ao
festival, deixou o público engaiolado coa súa versión do «Himno do Couto
Mixto». Ofreceuse despois un vídeo elaborado pola profesora de Música sobre o
Correlingua deste ano, con fragmentos das actuacións musicais dos nosos alumnos
no Auditorio de Ourense, do paseo polas rúas do centro e da entrada final na
praza Maior da capital. O espectáculo finalizouno o vicedirector coa entrega de
premios das actividades deportivas de atletismo e bádminton, de Plástica
(cartel violencia de xénero e postal de Nadal) e de Bioloxía (traballo sobre a
célula e traballo sobre a flor).
|
Entrega de premios |
No hay comentarios:
Publicar un comentario